E përditshmja suedeze: Dua Lipa i bën jehonë Kosovës

Në fokus të mediave suedeze: Dua Lipa dhe përkushtimi ndaj Kosovës

Gazeta prestigjioze suedeze “Svenska Dagbladet”, një nga të përditshmet më të njohura në Skandinavi, i ka kushtuar një artikull këngëtares me famë botërore Dua Lipa, duke vënë në fokus marrjen e nënshtetësisë së Kosovës dhe angazhimin e saj për vendin e origjinës, transmeton albinfo.ch.

Artikulli e portretizon Dua Lipën si një figurë që mishëron krenarinë e Kosovës, jo vetëm për suksesin ndërkombëtar në muzikë, por edhe për kontributin e saj të vazhdueshëm përmes fondacionit “Sunny Hill”, i cili synon të fuqizojë të rinjtë dhe të promovojë artin dhe kulturën në Kosovë.

“Dua Lipa është më shumë se një yll i muzikës pop, ajo është një ambasadore kulturore e një vendi të vogël me zemër të madhe”, thekson gazeta, duke nënvizuar ndikimin që ajo ka në përforcimin e imazhit ndërkombëtar të Kosovës.

Përmes festivalit Sunny Hill, që mbahet në Prishtinë, këngëtarja ka sjellë artistë ndërkombëtarë në zemër të Ballkanit, duke e kthyer Kosovën në një pikë takimi për artin, rininë dhe kreativitetin.

https://www.facebook.com/share/p/16UcXzAK9c/?mibextid=wwXIfr

---