Punëtorët zviceranë duan të zgjedhin se kur do të dalin në pension

Studimi i Deloitte bazohet në një sërë të dhënash dhe në një anketë online të 1,000 personave në të gjithë Zvicrën

Pothuajse dy të tretat e popullsisë zvicerane do të donin më shumë liri për të zgjedhur moshën e daljes në pension, sipas një sondazhi nga Deloitte Switzerland.

Një shumicë e madhe e të anketuarve shprehën gjithashtu rezerva në lidhje me reformat e sistemit të pensioneve të propozuara deri më sot, shkruan swissinfo.ch, transmeton albinfo.ch.

Në një njoftim për shtyp të lëshuar të martën, firma e auditimit dhe konsulencës deklaroi se 68% e të anketuarve do të preferonin të vendosnin vetë moshën e tyre të daljes në pension sesa t’i nënshtroheshin një limiti prej 65 vjetësh.

Prandaj, studimi propozon fleksibilitet më të madh në moshën e daljes në pension. Në të ardhmen, të gjithë duhet të jenë në gjendje të vendosin vetë se kur duan të dalin në pension.

Sipas anketës, ka pak mbështetje për reformat në sistemin e pensioneve që do të rrisnin barrën financiare mbi punonjësit. Një rritje e kontributeve të punonjësve u refuzua nga një shumicë relative prej 49% e të anketuarve.

Studimi i Deloitte bazohet në një sërë të dhënash dhe në një anketë online të 1 000 personave në të gjithë Zvicrën.

---