Blick: Debutimi i vështirë i Leon Avdullahut me Kosovën

Leon Avdullahu debuton me Kosovën, por përballet me një start të vështirë

Kalimi i Leon Avdullahut nga Zvicra te Kosova ka bërë bujë në javët e fundit, duke ngjallur pritshmëri të mëdha për mesfushorin e ri. Avdullahu debutoi në ndeshjen ndaj Zvicrës, ku luajti në mesfushë, por Kosova pësoi një humbje të thellë 4:0 dhe Avdullahu nuk arriti të ndikojë në lojë, përcjell albinfo.ch.

Kryetari i FFK-së, Agim Ademi, e ka krahasuar Avdullahun me Granit Xhakën, duke theksuar potencialin e tij të madh, por në këtë duel debutimi me Zvicrën, Avdullahu nuk mundi të rivalizojë me Xhakën në fushë.

Gazeta zvicerane Blick shkruan se mesfushori përjetoi “makth në vendin e debutimit të ëndrrave”. Gabimet e tij të dukshme në lojë u vunë re më shumë se ato të lojtarëve të tjerë, për shkak të pritshmërive të larta që ekzistonin ndaj tij. Avdullahu, megjithatë, ka ende kohë për të treguar potencialin e tij dhe për t’u konsoliduar si një nga mesfushorët kryesorë të Kosovës.

---