Zvicër: Emërohen krerët e rinj të Ushtrisë dhe Shërbimit Federal të Inteligjencës

Benedikt Roos do të bëhet Shef i Ushtrisë, dhe Serge Bavaud do të marrë detyrën si Shef i Shërbimit të Inteligjencës

Në shkurt të këtij viti, Viola Amherd kishte njoftuar largimin e Shefit të Ushtrisë Thomas Süssli dhe Shefit të FDB-së Christian Dussey.

Sot, ministri federal i mbrojtjes, Martin Pfister ka gjetur zëvendësimet përkatëse. Ai, në emër të Këshillit Federal ka vendosur: Benedikt Roos do të bëhet Shef i Ushtrisë, dhe Serge Bavaud do të marrë detyrën si Shef i Shërbimit të Inteligjencës, transmeton albinfo.ch.

Roos, 60 vjeç, ka një karrierë të gjatë si oficer shtabi. Ai ka qenë oficer karriere në Ushtri që nga viti 1997, shkruan srf.ch. Ka ushtruar detyrën e Komandantit të Ushtrisë për pak më shumë se një vit. Pozicionin e Shefit të Ushtrisë do ta marrë më 1 janar 2026.

Ndërsa Bavaud, 52 vjeç, ka shumë vite përvojë në DDPS dhe FDFA dhe do të marrë detyrën si Shef i Forcave të Armatosura Zvicerane më 1 nëntor 2025.

Ai ishte emëruar ambasador në Algjeri vetëm në qershor të këtij viti ndërsa më parë ka punuar në Departamentin Federal të Punëve të Jashtme dhe Departamentin Federal të Mbrojtjes.

 

---