Restoranti kult në Cyrih mbyllet përgjithmonë pas më shumë se 60 vjetësh

Mbyllet Silberkugel në Cyrih pas 61 vitesh

Sot në mesditë, Silberkugel në Bleicherweg, Cyrih shërben hamburgerët e fundit. Pas 61 vitesh, restoranti legjendar i ushqimit të shpejtë mbyll dyert përgjithmonë, përcjell albinfo.ch.

I hapur që nga viti 1963, ky ishte një nga pionierët e fast food-it në Zvicër, shumë kohë përpara se të vinte McDonald’s. Me kalimin e viteve, rrjeti u zvogëlua, dhe tashmë vetëm një degë mbetet aktive – në Zurich-Oerlikon.

Në gusht, u largua edhe punonjësja më e vjetër, Maria Huber, pas 43 vitesh punë.

Edhe Cindy’s Diner mbyllet

Po ashtu, Cindy’s Diner në Wädenswil u mbyll në fund të gushtit. Në vend të saj do të hapet një Burger King, duke i dhënë fund edhe një pjesë tjetër të nostalgjisë gastronomike zvicerane.

---