Çikago: Anila Aliu rrëmben çmimin kryesor në “CCPA Concerto Competition”

Triumf për Anila Aliun, pianistja shqiptare që mahniti jurinë

Pianistja shqiptare Anila Aliu ka shënuar një tjetër sukses të madh në skenën ndërkombëtare, duke fituar çmimin e parë në garën prestigjioze “CCPA Concerto Competition” në Çikago, transmeton albinfo.ch.

Në këtë konkurs, që bashkon çdo vit solistë të spikatur të muzikës klasike nga e gjithë bota, Anila u dallua për interpretimin e saj të jashtëzakonshëm dhe nivelin e lartë artistik.

Falë këtij triumfi, ajo do të ketë nderin të performojë si soliste me Orkestrën e CCPA, nën dirigjimin e Maestro Dr. Benjamin Firer, në një koncert që do të mbahet të premten, në orën 19:30, në Çikago.

Ky është një tjetër hap i rëndësishëm në karrierën e pianistes shqiptare, e cila po afirmohet me shpejtësi në skenat ndërkombëtare, duke e përfaqësuar me dinjitet muzikën dhe talentin shqiptarpërballë publikut amerikan. /Albinfo.ch

---