Kosova, e vetmja përfaqësuese e librit shqip në Panairin e Frankfurtit

Kosova përfaqëson letërsinë shqipe në Panairin Ndërkombëtar të Frankfurtit

Kosova po merr pjesë edhe këtë vit në Panairin Ndërkombëtar të Librit në Frankfurt, ngjarjen më të madhe të librit në botë. Në mungesë të Shqipërisë, ajo përfaqëson e vetme letërsinë shqipe në mesin e mbi 100 vendeve pjesëmarrëse, shkruan albinfo.ch.

Shoqata e Botuesve të Kosovës, me mbështetjen e Ministrisë së Kulturës, Rinisë dhe Sportit, ka hapur stendën kolektive në Sallën 4.1 të panairit, ku janë prezantuar qindra botime dhe mbi 20 shtëpi botuese nga vendi.

Panairi zhvillohet nga 15 deri më 19 tetor në Frankfurt, duke mbledhur mijëra profesionistë të librit dhe qindra mijëra vizitorë nga mbarë bota.

---