Ekonomistë federalë: Tarifat amerikane ngadalësojnë ekonominë zvicerane

Rritja ekonomike nën Mesatare, rimëkëmbja në vonesë

Sipas ekonomistëve federalë, ekonomia zvicerane nuk po tregon shenja të forta rimëkëmbjeje në fundvitin 2025. Shkaku kryesor i kësaj situate janë tarifat tregtare të vendosura nga Presidenti i SHBA-së, Donald Trump, të cilat kanë ndikuar ndjeshëm në mjedisin global të tregtisë dhe, për pasojë, edhe në Zvicër., përchjell albinfo.ch.

Sipas Sekretariatit Shtetëror për Çështjet Ekonomike (SECO), Grupi i Ekspertëve të Qeverisë Federale parashikon një rritje reale të Produktit të Brendshëm Bruto (PBB), e përshtatur për ngjarjet sportive, prej vetëm 1.3% për vitin 2025 dhe 0.9% për vitin 2026 – shifra këto dukshëm më të ulëta se mesatarja historike.

Gjysma e dytë e vitit 2025, sipas vlerësimeve, do të jetë veçanërisht e dobët për rritjen ekonomike, për shkak të pasigurive të shumta që lidhen me politikat tregtare ndërkombëtare dhe ndikimin e tyre në eksportet dhe investimet zvicerane.

---