Grekët investojnë paratë në orët zvicerane

Industria e orëve zvicerane po përfiton nga kriza e Greqisë, ndryshe nga industri të tjera zvicerane të eksportit.

Shitjet e orëve zvicerane janë rritur pavarësisht krizës ekonomike në Greqi. Nga janari në maj 2015 zviceranët raportojnë për një rikthim të industrisë. Kështu thotë presidenti i shoqatës, Jean-Daniel Pasche. Bëhet fjalë për një rritje të eksportit prej 26 për qind në krahasim me vitin e kaluar. Efekti është vërejtur tashmë në vitin 2014. Në atë kohë, eksportet në Greqi kanë arritur një vlerë prej 91.1 milionë frangash zvicerane, 13.4 për qind më shumë se viti paraprak.

Sektorë të tjerë kanë regjistruar rënie të forta të shitjes në Greqi. Në përgjithësi kanë shënuar rënie eksportet nga janari në maj 2015, sipas shifrave nga Administrata Federale doganore për 11 për qind. Pas eksporteve të 1.7 miliardë frangash zvicerane në vitin 2008, eksportet arritën më 2014 një vlerë prej 894 milionë  frangash zvicerane.

Në anën tjetër, produktet e importuara nga Greqia në Zvicër vijnë vaj ulliri, djathi feta, verë dhe mallra të tjera me vlerë 154 milionë franga zvicerane.

Derisa rreth tri të katërtat e eksporteve zvicerane në Greqi janë produkte kimike dhe farmaceutike.