Skandal i madh në Austri: Lojtaret e SCR Altach të filmuara, arbitri zviceran nën dyshim

Hand of referee with red card and whistle in the soccer stadium.

Një ish-punonjës i klubit austriak SCR Altach dyshohet se ka instaluar kamera në dhomën e zhveshjes së femrave dhe i ka filmuar ato për vite me radhë. Autoritetet kanë konfiskuar rreth 70 terabyte pamje video, duke përfshirë mbi 1,500 orë materiale.

Ngjarja ka shkaktuar zemërim të madh në Austri. Sekretarja e Shtetit për Sportin, Michaela Schmidt, e cilësoi situatën si “të papranueshme” dhe kërkoi hetim të plotë nga autoritetet, si dhe masa nga klubi.

Sipas raporteve mediatike, personi i dyshuar mund të jetë një arbitër zviceran që ka gjykuar ndeshje në ligat e larta zvicerane, transmeton albinfo.ch.

Ai konsiderohet i pafajshëm deri në përfundim të hetimeve. Klubi SCR Altach ka deklaruar se po bashkëpunon me autoritetet dhe po mbështet hetimet në të gjitha mënyrat.