SBB dhe DB gjejnë zgjidhje për vonesat e trenave nga Gjermania

Ato kanë rënë dakord për masa të përbashkëta për të përmirësuar saktësinë e trenave Intercity nga Stuttgart nëpërmjet Schaffhausen në Cyrih

Vonesat e trenave që qarkullojnë nga Gjermania në Zvicër përbëjnë prej kohësh një problem serioz në trafikun hekurudhir zviceran.

Për këtë arsye kompania shteterore zvicerane e hekurudhave SBB dhe ajo gjermane Deutsche Bahn  (DB) kanë rënë dakord për masa të përbashkëta për të përmirësuar saktësinë e trenave Intercity nga Stuttgart nëpërmjet Schaffhausenit në Cyrih, shkruan srf.ch.

Duke filluar me ndryshimin e orarit që bëhet në mesin e dhjetorit, çdo tren tjetër i nisur nga Stuttgarti do të përfundojë në Singen, pranë kufirit zviceran. Prej andej, një tren i ri i Deutsche Bahn do të shkojë në Cyrih, transmeton albinfo.ch.

Për ata trena që vazhdojnë të shkojnë drejtpërdrejt në Cyrih, një tren zëvendësues i SBB do të niset nga Schaffhauseni në rast vonesash të konsiderueshme. Kjo zgjidhje është në fuqi për çdo tren Intercity midis Stuttgart dhe Cyrih që nga korriku. Megjithatë, ende nuk është arritur përmirësimi i dëshiruar i situatës.

---