Shqiptari i dënuar në Londër rrezikon ekstradimin në Kosovë

Shqiptari i dënuar për përdhunim në Britani, përballet me ekstradim në Kosovë për grabitje të armatosur

Një shtetas shqiptar, identifikuar me inicialet R.K., 28 vjeç, i cili po vuan një dënim prej pesë vjet e gjashtë muaj burg në Mbretërinë e Bashkuar për përdhunim, po përballet me kërkesë për ekstradim në Kosovë, ku dyshohet se ka kryer një grabitje të armatosur në vitin 2017.

R.K. u shpall fajtor në janar 2024 për një sulm “grabitqar” ndaj një gruaje në Havering të Londrës, ndërsa bashkëpunëtori i tij e kishte filmuar ngjarjen. Ndërkohë, autoritetet kosovare kërkojnë gjykimin e tij për një grabitje të ndodhur më 22 dhjetor 2017 në fshatin Havjali të Prishtinës, ku dyshohet se ai ka hyrë në shtëpinë e një familjeje dhe ka vjedhur para, dokumente dhe sende me vlerë, duke mbajtur një armë zjarri ose një armë imituese.

Kërkesa për ekstradim është në shqyrtim prej shtatë muajsh në gjykatat britanike dhe vendimi përfundimtar pritet të merret nga Ministrja e Brendshme e MB-së, Shabana Mahmood.

Kosova, sipas marrëveshjes së ekstradimit me Britaninë, duhet të paraqesë prova “prima facie” për mbështetjen e akuzave.

R.K. dhe bashkëpunëtori i tij, Bujar Jashari, u dënuan nga Gjykata e Kurorës në Snaresbrook në janar të vitit të kaluar. Policia britanike e cilësoi rastin si hetim kompleks dhe vlerësoi guximin e viktimës që raportoi ngjarjen.

---