Zyrtare: Tarifat amerikane për produktet zvicerane u ulën në 15%

(KEYSTONE/Jean-Christophe Bott)

Doganat për produktet zvicerane të eksportuara në Shtetet e Bashkuara janë ulur nga 39% në 15%, me efekt retroaktiv që nga 14 nëntori, njoftoi Konfederata Zvicerane. Përjashtimet për ilaçe, kimikate, ar dhe kafe mbeten në fuqi.

Në këmbim, Zvicra ul tarifat për peshq, produktet detare dhe disa produkte bujqësore, si dhe ofron kuota bilaterale pa tarifa për mish viçi, bisoni dhe pulë. Importuesit mund të kërkojnë rimbursim të tarifave nga autoritetet doganore, transmeton albinfo.ch.

Organizata Economiesuisse ka mirëpritur uljen e tarifave, duke theksuar se kjo do të ruajë vende pune dhe do t’i japë kompanive zvicerane akses më të mirë në tregun amerikan.