Në Bruksel fillon votimi: Demokracia në veprim – çdo votë çon peshë

Sot, në 29 përfaqësi diplomatike në 18 shtete të ndryshme të botës ka nisur procesi i votimit për mërgatën të cilët janë regjistruar për votim fizik për zgjedhjet parlamentare të 28 dhjetorit.

Procesi i votimit ka nisur me kohë, në orën 07:00 në Ambasadën e Kosovës në Berlin, atë në Bruksel e Paris, kanë njoftuar këto institucione diplomatike të vendit. Njëkohësisht janë konfirmuar edhe votuesit e parë.

Në këtë proces kanë të drejtë vote mbi 19, 187 votues, transmeton albinfo.ch.

“Shtetasit e Republikës së Kosovës, të regjistruar për votim në Ambasadën tonë në Bruksel, kanë filluar tashmë të hedhin votat!

Votimi jashtë Kosovës për zgjedhjet e parakohshme parlamentare të 28 dhjetorit 2025 ka nisur këtë mëngjes nëpër ambasadat dhe misionet e Republikës së Kosovës në mbarë botën.

Demokracia në veprim – çdo votë çon peshë!”, njofton ambasadori Agron Bajrami.