Për shkak të motit, anulohen garat e Kupës Evropiane në Lauberhorn

Moti i keq anulon garat e Kupës Evropiane në Wengen

Asnjë garë e Kupës Evropiane nuk do të zhvillohet këtë fundjavë në Wengen, për shkak të kushteve të pafavorshme atmosferike. Sipas portalit skinews.ch, Federata Ndërkombëtare e Skive (FIS) ka vendosur të anulojë dy garat e planifikuara, bazuar në parashikimet e këqija të motit, përcjell albinfo.ch.

Fillimisht, për të premten dhe të shtunën ishin planifikuar dy gara Super-G për meshkuj, të cilat do të shërbenin si hapje e javës tradicionale të garave në Lauberhorn. Megjithatë, kushtet atmosferike nuk e kanë lejuar zhvillimin e tyre.

Edhe vitin e kaluar, garat e Kupës Evropiane në Wengen u anuluan për arsye të ngjashme, për shkak të motit të pafavorshëm.

Ndërkohë, garat e shumëpritura të Kupës së Botës në Wengen janë planifikuar të zhvillohen nga 16 deri më 18 janar. Sipas informacioneve aktuale, nuk ka sinjale që këto gara të jenë në rrezik dhe organizatorët mbeten optimistë për zhvillimin e tyre sipas planit.

---