Ansambli “Teuta” organizon festimin e 17 Shkurtit në Lozanë

Program kulturor dhe muzikor në Lozanë për Ditën e Pavarësisë së Kosovës

Shoqëria Kulturore Artistike “Teuta” në Lausanne do të organizojë një mbrëmje festive me rastin e 17 Shkurtit – Ditës së Pavarësisë së Kosovës, duke bashkuar komunitetin shqiptar në Zvicër në një aktivitet kulturor dhe artistik, transmeton albinfo.ch.

Ngjarja do të mbahet më 14 shkurt 2026, duke filluar nga ora 19:00, në adresën Avenue Vallonnette 12, 1023 Lausanne.

Programi artistik pritet të sjellë performanca të ndryshme muzikore dhe kulturore nga artistë të njohur, mes tyre Shpejtim Krasniqi, Ejona Bytyqi, Elion Krasniqi (LMN) dhe Gezim Doberdolani. Gjithashtu, pjesë e aktivitetit do të jenë edhe paraqitjet e ansamblit artistik me valle dhe këngë tradicionale shqiptare.

Organizatorët bëjnë thirrje për pjesëmarrje sa më të madhe të bashkatdhetarëve dhe dashamirëve të kulturës shqiptare, me qëllim që kjo festë të shënohet në mënyrë dinjitoze dhe festive./Albinfo.ch

 

Për informata shtesë, të interesuarit mund të kontaktojnë në numrat:

📞 079 233 0537

📞 078 885 0512

📞 076 508 5743

---