Marigona Qerkezi rikthehet në skenën gjermane me ‘Nabucco’

Sopranoja Marigona Qerkezi rikthehet në skenën e “Deutsche Oper am Rhein” me operën “Nabucco”

Sopranoja e njohur shqiptare, Marigona Qerkezi, do të ngjitet në skenën e “Deutsche Oper am Rhein” në Gjermani, ku do të interpretojë në operën e famshme “Nabucco”, shkruan albinfo.ch.

Artistja ka bërë të ditur se mbrëmjen e kaluar është zhvilluar prova gjenerale e kësaj vepre operistike, ndërsa performancat e saj do të mbahen më 14 dhe 20 shkurt, si dhe më 8 mars dhe 19 prill.

Përmes një njoftimi publik, Qerkezi ka shprehur dëshirën që këto mbrëmje artistike t’i ndajë me publikun dhe dashamirët e operës.

Marigona Qerkezi konsiderohet një nga zërat më të spikatur shqiptarë në skenat ndërkombëtare operistike, duke performuar në teatro dhe institucione prestigjioze muzikore në Evropë./Albinfo.ch

---