Von der Leyen: Evropa duhet të bëhet më e pavarur dhe e përgatitur për sigurinë

Presidentja e Komisionit Evropian kërkon pavarësi dhe kapacitete mbrojtëse për Evropën

Presidentja e Komisionit Evropian, Ursula von der Leyen, ka theksuar përmes një postimi në rrjetin social X nevojën që Evropa të marrë më shumë përgjegjësi për sigurinë e saj dhe të forcojë kapacitetet mbrojtëse të përbashkëta, përcjell albinfo.ch. 

Ajo nënvizoi se një kontinent i fortë duhet të jetë i gatshëm të veprojë dhe të zbatojë në praktikë parimin e mbrojtjes së ndërsjellë, duke e konsideruar atë thelb të projektit evropian të sigurisë.

Sipas von der Leyen, ky angazhim ka kuptim vetëm nëse mbështetet në besim të ndërsjellë dhe kapacitete reale. Ajo bëri thirrje për përgatitje kolektive përballë sfidave aktuale dhe të ardhshme të sigurisë.

“Një Evropë e fortë bën një hap përpara dhe merr përsipër përgjegjësinë e saj. Ajo e vë në jetë klauzolën e mbrojtjes së ndërsjellë. Ky është kuptimi i Evropës. Por ky angazhim ka peshë vetëm nëse ndërtohet mbi besimin dhe aftësinë. Prandaj duhet të jemi të përgatitur kolektivisht”, shkroi von der Leyen./Albinfo.ch 

---