Skitatorja nga Shqipëria kualifikohet në finale, ajo e Kosovës del nga shtegu

Lara Colturi ka mbyllur në vendin e katërt lëshimin e parë dhe shanset për një medalje historike janë me të vërtetë të mëdha

Lara Colturi debuton në Lojërat Olimpike Dimërore me një paraqitje të shkëlqyer në lëshimin e parë, duke shënuar kohën 1:03.97 në sllallomin gjigant.

Skiatorja kuqezi ka bërë një garë shumë të mirë dhe ka siguruar kualifikimin për në lëshimin e dytë.

Lara Colturi ka mbyllur në vendin e katërt lëshimin e parë dhe shanset për një medalje historike janë me të vërtetë të mëdha, transmeton albinfo.ch.

Pas Lara Colturit në garën e sotme në slalomin gjigant në Lojërat Olimpike, Milano Cortina 2026, ka debutuar edhe skiatiorja tjetër kuqezi, Semire Dauti.

18-vjeçarja ka kaluar me sukses lëshimin e parë, duke zënë vendin e 52-të në renditjen e përgjithshme dhe ka siguruar një vend në lëshimin e dytë, që do të nisë në orën 13:30.

E pafat skiatorja kosovare Kiana Kryeziu gabon në lëshimin e parë në sllallomin gjigant dhe për pasojë nuk arrin që të kualifikohet në finale.

---