Zurich shpreh ngushëllime për vdekjen e një familjari të Valon Berishës

(KEYSTONE/Claudio Thoma)

Klubi i futbollit, Zurich, ka lëshuar një komunikatë përmes të cilës ka njoftuar se një i afërm i mesfushorit Valon Berisha ka vdekur në një aksident në Austri.

“Zurichu është thellësisht i trishtuar nga një aksident tragjik në Austri, në të cilin humbi jetën një i afërm i lojtarit tonë, Valon Berisha.

Valon Berisha nuk ishte i përfshirë vet në aksident, por e pa atë.

Në këtë situatë jashtëzakonisht të vështirë, ngushëllimet tona të sinqerta shkojnë për familjen e tij dhe të gjithë të dashurit e tij”, ka shkruar Zurichu në Facebook, transmeton albinfo.ch.

Berisha është transferuar ditë më parë te Zurichu.