Mbrëmja kulturore në Firenze bashkon diasporën shqiptare përmes filmit kosovar

Diaspora shqiptare në Firenze u bë pjesë e një mbrëmjeje të veçantë kulturore fundjavën që lamë pas, në shfaqjen e filmit kosovar Cirku Fluturues. Pjesëmarrja e komunitetit e shndërroi këtë aktivitet në një hapësirë të rëndësishme takimi, kujtese dhe krenarie kombëtare.

Kjo shfaqje u organizua në kuadër të aktiviteteve për shënimin e Pavarësisë së Kosovës, ndërsa filmi është pjesë e programit të Festivalit të Filmit Kosovar në Arbëri, që synon të forcojë lidhjet kulturore mes Kosovës dhe botës arbëreshe.

Ngjarja u nderua edhe nga pjesëmarrja e regjisorit Fatos Berisha, si dhe Ambasadores së Shqipërisë në Selinë e Shenjtë dhe Urdhrin e Maltës, Majlinda Frangaj.

Organizatorët shprehën mirënjohje për të gjithë pjesëmarrësit dhe kontribuuesit, duke theksuar rëndësinë e kulturës si një urë që afron dhe bashkon komunitetet shqiptare kudo në botë.