UEFA vlerëson arbitrimin shqiptar: Emanuela Rusta delegohet në çerekfinale evropiane

UEFA delegon Emanuela Rustën në çerekfinalet e Women’s Europa Cup

UEFA ka vlerësuar edhe një herë arbitrimin shqiptar, duke përzgjedhur gjyqtaren Emanuela Rusta për të drejtuar një ndeshje të rëndësishme ndërkombëtare. Rusta do të jetë në krye të sfidës çerekfinale të Women’s Europa Cup mes Nordsjælland dhe Eintracht Frankfurt, transmeton albinfo.ch.

Takimi do të zhvillohet këtë të mërkurë, në stadiumin Right to Dream Park, me fillim nga ora 18:00.

Në këtë ndeshje, Emanuela Rusta do të asistojë nga gjyqtaret anësore Mirjeta Salla dhe Sandra Nigulis, ndërsa rolin e arbitrit të katërt do ta mbajë Florian Lata.

Ky emërim në një fazë kaq të avancuar të kompeticionit vjen si rezultat i paraqitjeve pozitive dhe konsistente të Rustës në arenën ndërkombëtare. Arbitrja shqiptare vijon të jetë pjesë e listës elitare të gjyqtarëve të UEFA-s, duke përfaqësuar me profesionalizëm dhe sukses arbitrimin shqiptar në ndeshje me nivel të lartë konkurrimi./Albinfo.ch

---