Milano: Tramvaji del nga shinat – dy të vdekur, dhjetëra të plagosur

Rreth 40 persona – shumica e tyre pasagjerë – kanë pësuar lëndime në aksidentin e rëndë që ndodhi sot në qytetin e madh në veri të Italisë

Dy persona u vranë pas daljes nga shinat të  një tramvaji në Milano vetëm disa ditë pas përfundimit të Lojërave Olimpike Dimërore që u mbajtën në këtë qytet italian.

Sipas departamentit të zjarrfikësve, rreth 40 persona – shumica e tyre pasagjerë – kanë pësuar lëndime në aksidentin e rëndë që ndodhi sot në qytetin e madh në veri të Italisë, transmeton albinfo.ch.

Zyra e prokurorit publik ka nisur një hetim për vrasje të paqëllimshme dhe lëndime trupore.

Tramvaji, një model modern, thuhet se kishte qenë në shërbim vetëm për disa muaj. Duket se është një automjet i prodhur nga kompania zvicerane Stadler Rail.

Sipas agjencisë së lajmeve Reuters, pesë ambulanca nxituan në vendin e aksidentit, ndërsa punonjësit e shpëtimit ngritën një tendë për të ndihmuar të plagosurit. Kompania lokale e transportit, Azienda Trasporti Milanesi ATM, fillimisht nuk pranoi të komentojë.

---