Takohen Dredha-Latifi, diskutojnë për bashkëpunimin dhe shërbimin ndaj diasporës në Zvicër

Ambasadori i ri i Republikës së Shqipërisë në Zvicër, z. Ermal Dredha, pas marrjes së detyrës në Bernë, nisi takimet e kortezisë me homologët e tij, duke filluar me Ambasadën e Republikës së Kosovës, ku u prit nga Ambasadori, Mentor Latifi.

Takimi u zhvillua në një atmosferë miqësore dhe vëllazërore, duke reflektuar lidhjet e forta historike e shpirtërore mes Shqipërisë dhe Kosovës, si dhe vullnetin e përbashkët për të punuar ngushtë në shërbim të diasporës sonë të bashkuar dhe shumë aktive në Zvicër.