Katër nxënës nga Kosova kualifikohen në finalen ndërkombëtare të STEM në Romë

Të rinjtë nga shkolla të ndryshme të qytetit do të përfaqësojnë Kosovën në garën ndërkombëtare të shkencës dhe teknologjisë

Katër nxënës nga Vushtrria kanë arritur të kualifikohen në fazën finale të garës ndërkombëtare të shkencës dhe teknologjisë STEM Competition, e cila do të mbahet në Romë, transmeton albinfo.ch.

Nxënësit që siguruan këtë sukses janë Arnis Kasumi nga SHFMU “Migjeni”, Ibrahim Maloku dhe Eris Azemi nga shkolla “Andon Zako Çajupi”, si dhe Engjëll Ibrahimi nga SHMU 2.

Kualifikimi i tyre erdhi pas rezultateve të mira në procesin e përzgjedhjes, duke i renditur në mesin e pjesëmarrësve që do të garojnë në nivel ndërkombëtar.

Gara organizohet në bashkëpunim me Infinit Center dhe pjesëmarrja e nxënësve nga Vushtrria konsiderohet një përfaqësim i rëndësishëm i talentit të ri kosovar në fushën e shkencës dhe teknologjisë. /Albinfo.ch

---