Two.jobs sjell inovacion në rekrutimin përmes rrjeteve sociale në festivalin “HR Festival Europe 2026”

Në kuadër të Festivalit të Resurseve Njerëzore (HR Festival Europe 2026), një nga ngjarjet më të rëndësishme evropiane në fushën e burimeve njerëzore dhe inovacionit në tregun e punës, që do të mbahet më 24–25 mars 2026 në Zürich, platforma two.jobs do të prezantohet me një input-referat në Talent Management Stage, më 25 mars, nga ora 13:00–13:30, duke sjellë në fokus praktikat më bashkëkohore të rekrutimit digjital.

Në këtë kontekst, two.jobs është konsoliduar si një nga ofruesit kryesorë në fushën e Social Media Recruiting, duke zhvilluar metoda inovative që gjenerojnë shtrirje cilësore për vendet e lira të punës dhe arrijnë në mënyrë të synuar tek kandidatët pasivë, një segment me potencial të lartë në tregun e punës.

Prezantimi me titull “Më shumë dukshmëri dhe një përvojë optimale për kandidatët për rekrutime të suksesshme” trajton mënyrën se si ndërthuren strategjitë e dukshmërisë në rrjete sociale me optimizimin e përvojës së kandidatit, duke krijuar një proces rekrutimi më efikas dhe të orientuar drejt rezultateve konkrete.

“Rekrutimi sot nuk ka të bëjë vetëm me publikimin e një vendi pune, por me krijimin e një përvoje të plotë për kandidatin. Vetëm duke kombinuar dukshmërinë e duhur me një ‘candidate journey’ të menduar mirë, mund të arrijmë tek talentet që realisht bëjnë diferencën,” thekson Kristian Oroshi, themelues i two.jobs.

Falë bashkëpunimeve strategjike me platforma si Google for Jobs, Join dhe platforma të tjera të punësimit, shpalljet e punës fitojnë dukshmëri të zgjeruar edhe për kandidatët aktivë, duke krijuar një qasje të integruar dhe gjithëpërfshirëse në tregun e punës.

Ky prezantim synon të ofrojë qasje praktike për ndërtimin e një procesi të qëndrueshëm rekrutimi – nga kontakti i parë deri te aplikimi i suksesshëm, duke e kthyer rekrutimin në një proces strategjik dhe të orientuar drejt rezultateve.

Në linkun në vazhdim mund të gjeni informacione plotësuese rreth festivalit dhe biletave: Mehr Sichtbarkeit & eine optimale Kandidatenreise für erfolgreiche Besetzungen – HR Festival europe

Ngjarja pritet të tërheqë interes të veçantë nga profesionistët e burimeve njerëzore dhe menaxhimit të talenteve në nivel evropian.

Për albinfo.ch Luljeta Ademi