Futbollisti nga Kosova debuton me Bayernin në Bundesligë në moshën 16 vjeçare

Mesfushori 16-vjeçar u fut në minutën e 87 të sfidës, ku zëvendësoi gjermanin Leon Goretzka

Bayern Munich arriti një tjetër fitore bindëse në Bundesligë kundër Union Berlinit me rezultatin 4-0, teksa marshon i sigurt drejt titullit të Bundesligës.

Gjithsesi, në sy ra debutimi i talentit shqiptar nga Kosova, Erblin Osmani, transmeton albinfo.ch.

Mesfushori 16-vjeçar u fut në minutën e 87 të sfidës, ku zëvendësoi gjermanin Leon Goretzka.

Trajneri Vincente Kompany e ka këshilluar mesfushorin Erblin Osmani të vazhdojë punën e madhe së bashku me lojtarët e tjerë të rinj që debutuan në Bundesliga.

“Mendoj se edhe pse kemi shumë lojtarë që kanë bërë paraqitjen e parë të sezonit, nuk nënkupton se kanë arritur definitivisht ndonjë gjë, kanë ende shumë për të ofruar. E shoh pozitive kur klubi thotë “Ne ju vlerësojmë dhe ju japim mundësinë për të pasur eksperiencë se çka nënkupton të luash për Bayernin, por duhet ta dëshmosh dhe fitosh këtë mundësi”.

“Nga lojtarët që debutuan jo të gjithë do të luajnë rregullisht, por është e mundur sepse morën hapat e parë dhe ne duam t’i mbështesim. Nëse punojnë fortë, ne do të jemi krahë tyre dhe kur kalojnë periudhë të vështirë do të jemi pranë tyre, mirëpo duhet të kuptojnë se është e nevojshme ta mbajnë nivelin thuajse perfekt”, deklaroi ai.

---