Propozimi 14-pikësh i Trump për të përfunduar konfliktin me Iranin

Sipas mediave izraelite, qeveria e Donald Trump ka dërguar Teheranit një paketë me 15 kushte për t’i dhënë fund luftës, që përfshin kufizime për programin bërthamor dhe raketor të Iranit, si dhe shpërblime si heqja e sanksioneve.

Qeveria amerikane synon që këto kushte të sigurojnë objektivat strategjike të SHBA-së dhe Izraelit, por ka shqetësime në Jeruzalem se Trump mund të përpiqet për një marrëveshje të shpejtë, pa respektuar të gjitha kushtet. Bashkëpunëtorët e presidentit, si Jared Kushner dhe Steve Witkoff, propozojnë një armëpushim njëmujor për të negociuar marrëveshjen 15-pikëshe.

Nga 15 kushtet, raporti zbulon 11 kërkesa dhe 3 shpërblime:

Kërkesat për Iranin:

Shkatërrimi i kapaciteteve bërthamore ekzistuese.

Angazhim për mosprodhimin e armëve bërthamore.

Ndalimi i pasurimit të uraniumit.

Dorëzimi i 450 kg uranium të pasuruar 60% tek IAEA.

Shkatërrimi i objekteve në Natanz, Isfahan dhe Fordow.

Qasje e plotë për IAEA brenda Iranit.

Heqja dorë nga “forcat proxy”.

Ndalimi i financimit dhe armatosjes së aleatëve rajonalë.

Ruajtja e hapur e Ngushticës së Hormuzit.

Kufizimi i programit raketor të Iranit.

Përdorimi i raketave vetëm për mbrojtje.

Shpërblimet për Iranin:

12. Heqja e plotë e sanksioneve ndërkombëtare.

13. Ndihmë për zhvillimin e programit civil bërthamor.

14. Heqja e mekanizmit “snapback” që rikthen sanksionet në rast shkeljeje.

Kjo paketë tregon përpjekjen e SHBA-së për një zgjidhje diplomatike, por shkakton shqetësim tek udhëheqësia izraelite për pasojat e mundshme nëse Irani fiton pozicione të favorshme para përmbushjes së kushteve.

---