Aeroporti i Cyrihut bie në renditjen globale, mbetet jashtë Top 10 më të mirëve në botë

Aeroporti zviceran pëson rënie të ndjeshme në klasifikimin ndërkombëtar të kënaqësisë së udhëtarëve.

Aeroporti i Zurich Airport nuk është më pjesë e listës së 10 aeroporteve më të mira në botë, sipas renditjes vjetore “World Airport Awards”, transmeton albinfo.ch.

Pas viteve të tëra në mesin e më të mirëve globalisht, aeroporti ka pësuar një rënie të ndjeshme, duke zbritur nga vendi i 10-të në vitin 2025 në vendin e 19-të këtë vit.

Kjo renditje bazohet në nivelin e kënaqësisë së udhëtarëve në mbarë botën, duke u mbështetur në miliona pyetësorë të plotësuar nga pasagjerë nga mbi 100 shtete, gjatë periudhës nga gushti 2025 deri në shkurt 2026.

Në vlerësim përfshihen të gjitha fazat e udhëtimit, duke nisur nga check-in-i dhe kontrollet e sigurisë, e deri te mundësitë për blerje në aeroport dhe procedurat e imbarkimit. /Albinfo.ch

---