Rrufeja godet aeroplanin e Swiss-it – Anulohet fluturimi për në Londër

Menjëherë pas ngritjes, Airbus A321neo u kthye prapa dhe u ul pak kohë më vonë në Cyrih, siç tregojnë të dhënat nga Flightradar24

Një Airbus i kompnisë jrore Swiss u godit nga rrufeja menjëherë pas ngritjes nga Cyrihu të enjten në mbrëmje. Avioni më pas u kthye në aeroportin e nisjes.

Fluturimi LX340 ishte planifikuar të fluturonte nga Cyrihu në Londër të enjten në mbrëmje – mes motit të trazuar dimëror, transmeton albinfo.ch. Megjithatë, menjëherë pas ngritjes, Airbus A321neo u kthye prapa dhe u ul pak kohë më vonë në Cyrih, siç tregojnë të dhënat nga Flightradar24. Në bord kishte 167 persona, të cilët të gjithë u ulën të sigurt në Cyrih.

Arsyeja e kthimit ishte një goditje rrufeje, siç konfirmoi zëdhënësja zvicerane Nicole Meier për gazetën Tages-Anzeiger. Kthimi ishte një masë parandaluese. Nëse do të kërkoheshin punime teknike pas goditjes, avioni përndryshe do të duhej të mbetej i bllokuar në Londër.

Megjithatë, një incident i tillë nuk është i rrezikshëm. Një avion në ajër vepron si një kafaz Faradei; energjia e rrufesë shpërndahet nga guaska e jashtme.

“Sidoqoftë, çdo avion i prekur i nënshtrohet një inspektimi teknik pas uljes për të përjashtuar çdo dëmtim. Siguria e ekuipazheve dhe pasagjerëve tanë është gjithmonë përparësia jonë kryesore”, tha Meier për gazetën.

Në fakt, avioni u lejua për fluturim pas inspektimit dhe që atëherë është ngritur përsëri.

---