Masat kundër femicidit nuk po arrijnë ta ndalin fenomenin në Zvicër

Foto ilustrim

Pesë raste të femicidit janë shënuar në Zvicër vetëm në fillim të vitit 2026, duke rikthyer shqetësimin për efektivitetin e masave kundër dhunës ndaj grave. Gjatë 15 viteve të fundit, numri i grave të vrara ka mbetur relativisht i qëndrueshëm, me rreth 20 viktima çdo vit — afërsisht një çdo dy deri në tre javë.

Sipas të dhënave nga Zyra Federale e Statistikave (FSO), shumica e rasteve lidhen me dhunë në familje dhe autorët janë kryesisht partnerë aktualë ose ish-partnerë. Në vitin 2024 janë regjistruar mbi 21 mijë raste të dhunës në familje, një rritje prej 6.1% krahasuar me një vit më parë. Megjithatë, këto shifra konsiderohen të nënvlerësuara pasi shumë raste nuk raportohen, transmeton albinfo.ch.

Megjithëse Zvicra ka ndërmarrë hapa të rëndësishëm — si ratifikimi i Konventa e Stambollit dhe miratimi i planeve kombëtare kundër dhunës — organizatat vlerësojnë se masat mbeten të pamjaftueshme. Një nga problemet kryesore është zbatimi i fragmentuar në nivel kantonal, që krijon pabarazi në mbrojtjen e viktimave, varësisht nga vendbanimi.

Ekspertët theksojnë mungesën e një strategjie të unifikuar kombëtare dhe koordinimit ndërmjet institucioneve. Ndërkohë, vende si Spanja kanë arritur rezultate më të mira përmes monitorimit elektronik aktiv të autorëve të dhunës, çka në Zvicër ende nuk zbatohet në mënyrë efektive.

Një tjetër sfidë mbetet mungesa e burimeve financiare. Organizatat paralajmërojnë se strehimoret janë të mbingarkuara dhe shërbimet shpesh funks