Mesazhi i eurodeputetit shqiptar para Samitit: Asnjëherë nuk i harroj rrënjët e mia

Samiti do të zhvillohet nga 13 deri më 15 prill 2026 në Tiranë

Në prag të nisjes së Samitit të IV të Diasporës Shqiptare, anëtari i Parlamentit Evropian, Adnan Dibrani ka dërguar një videomesazh.

Në mesazhin e tij, Dibrani thekson lidhjen me origjinën shqiptare, duke u shprehur: “Gjatë krejt kohës si politikan, kurrë rrënjët e mia nuk i harroj! I lindur në Mitrovicë, i rritur në Suedi, mburrna që jam shqiptar dhe gjithkush e din që jam shqiptar”, transmeton albinfo.ch.

Ky videomesazh u shpërnda nga Ministria e Punëve të Jashtme, që shkruan: “Mesazhi i veçantë në prag të Samitit të IV të Diasporës, nga anëtari i Parlamentit Evropian, Adnan Dibrani, shqiptarit që ka ndërtuar suksesin e tij në politikën suedeze dhe përtej, duke mishëruar vlerat dhe krenarinë e të qenit shqiptar në zemër të Evropës”.

Samiti do të zhvillohet nga 13 deri më 15 prill 2026 në Tiranë.

---