Takimi përfundon pa zgjidhje

Lumir Abdixhiku u shfaq për mediat dhe tregoi detaje nga takimi me kryeministrin Kurti, duke e hedhur fajin te pala tjetër për mungesën e një marrëveshjeje

Çështja e presidentit në Kosovë vijon të jetë një ngërç i pazgjidhur edhe pas takimit të sotëm mes kryeministrit Albin Kurti dhe kryetarit të Lidhjes Demokratikë të Kosovës, Lumir Abdixhiku.

Sipas Abdixhikut, Kurti insiston që posti i presidentit të vijë nga radhët e Lëvizjes Vetëvendosje. LDK nuk e pranon këtë dhe palët kanë vendosur që të mos ketë më takime të tilla negociuese, transmeton albinfo.ch.

Pas takimit, Abdixhiku u shfaq për mediat dhe tregoi detaje nga takimi me kryeministrin Kurti, duke e hedhur fajin te pala tjetër për mungesën e një marrëveshjeje.

“Duhet të bëhemi gati për skenarin e zgjedhjeve të reja dhe të jashtëzakonshme. Prej fillimit LDK ka qenë e qartë që presidenti s’duhet të jetë zgjatim i qeverisë.

S’mund të ketë një qeveri që ka edhe presidentin e një partie, pra t’i ketë tri institucionet. Ai ka shtuar se ka bërë përpjekje për të gjetur zgjidhje, por sipas tij nuk është arritur marrëveshje.

U përpoqa, provova, por nuk arrita fatkeqësisht. Tani i kthehemi LDK-së dhe misionit të madh të bashkimit të së djathtës brenda partisë. Insistonte që pozita e presidentit t’i mbetet LVV-së”, është shprehur ai.

 

---