Kardiologu i njohur bën thirrje për qetësi pas skandalit të spitalit universitar

"Mos kini frikë. Mund të merrni trajtim në spitalet tona", tha kirurgu i njohur kardiak, René Prêtre

Kardiokirurgu i famshëm zviceran René Prêtre, bashkautor i raportit hetimor mbi kirurgjinë kardiake në Spitalin Universitar të Cyrihut, bëri thirrje për qetësi. “Mos kini frikë. Mund të merrni trajtim në spitalet tona”, tha kirurgu kardiak.

Ai ka ushtruar profesionin në pesë vende të ndryshme perëndimore dhe mund t’i sigurojë të gjithë se në Zvicër po bëhet punë e mirë, thotë ai në një intervistë me “Le Matin Dimanche”.

“Ajo që ndodhi në Cyrih është një përjashtim dhe nuk duhet të hedhë dritë negative mbi pjesën tjetër”, tha Prêtre, transmeton albinfo.ch.

Ai gjithashtu hodhi poshtë idenë e një kodi heshtjeje në botën mjekësore. “Ky është një rast ekstrem, i cili, sipas njohurive të mia, është i pashembullt në Zvicër”, tha ai.

---