Pse janë mbipopulluar burgjet në Zvicër?

Eksperti i ekzekutimit të dënimeve shpjegon katër arsyet kryesore pas rritjes së numrit të të burgosurve në Zvicër në fillim të vitit 2026.

Burgjet në Zvicër po përballen me mbipopullim rekord në fillim të vitit 2026. Sipas ekspertit të ekzekutimit të dënimeve, Benjamin Brägger, kjo situatë vjen për disa arsye kryesore, përcjell albinfo.ch.

Ai thekson se rritja e popullsisë në Zvicër ka sjellë edhe rritje të rasteve të kriminalitetit. Po ashtu, një faktor tjetër është rritja e aktiviteteve kriminale nga persona pa leje qëndrimi, si dhe raste të krimit të organizuar në disa zona kufitare.

Një tjetër arsye lidhet me sistemin e azilit, ku disa persona kryejnë vepra penale gjatë procesit ose mbeten në vend edhe pas refuzimit të azilit. Gjithashtu, dënimet për krime të rënda janë bërë më të gjata në vitet e fundit, duke rritur numrin e të burgosurve.

Për të lehtësuar situatën, ekspertët propozojnë rritjen e kapaciteteve të burgjeve ose përdorimin më të madh të alternativave si puna në komunitet, sidomos për rastet e gjobave të papaguara.

Sipas tyre, kjo do të ulte kostot dhe do të ndihmonte në zvogëlimin e mbipopullimit në burgje. /Albinfo.ch

---