Spitali Universitar i Cyrihut raporton në prokurori 10 vdekje të dyshimta

Përveç dhjetë raporteve, të enjten në zyrën e prokurorit publik u paraqitën tri kallëzime penale kundër personave të panjohur

Në fillim të majit, një skandal në klinikën kardiake të Spitalit Universitar të Cyrihut tronditi Zvicrën: Mbi 70 persona kishin vdekur më tepër se në rrethanat e zakonshme, transmeton albinfo.ch.

Prokuroria Publike e Cyrihut po heton aktualisht dhjetë vdekje të dyshimta. Dhjetë raportet u paraqitën nga vetë Spitali Universitar.

Siç raportohet nga “Tages-Anzeiger”, duke cituar Zyrën e Prokurorit të Përgjithshëm, kryeprokurorja Susanne Leu k thënë se hetimet do të zgjasin pak kohë. Hetimi do të përqendrohet në veçanti nëse ka ndodhur ndonjë vepër penale dhe kundër kujt mund të drejtohen akuza të mundshme.

Përveç dhjetë raporteve, të enjten në zyrën e prokurorit publik u paraqitën tri kallëzime penale kundër personave të panjohur, siç thuhet në një njoftim për shtyp. Këto ankesa përfshijnë vrasje të dyshuar nga pakujdesia, dëmtim të rëndë trupor nga pakujdesia dhe falsifikim. Për më tepër, janë raportuan njëmbëdhjetë raste që kanë të bëjnë me përdorimin e mundshëm jo të duhur të pajisjeve mjekësore.

Mjeku i dyshuar, italiani Maisano shpjegoi se Cardioband, aparatura të cilën ai e zhvilloi, u përdor në 44 nga 4,500 procedurat e kryera, përcjell albinfo.ch. Shkalla e ndërlikimeve ishte “përafërsisht 12 për qind”, gjë që ai tha se ishte e pritshme sipas literaturës shkencore aktuale.

Katër prokurorë publikë të specializuar tani po merren me hetimin. Ata kanë përvojë në krimin mjekësor dhe krimin e jakës së bardhë, si dhe në veprat penale të shërbimit publik, pasi spitali universitar konsiderohet një institucion publik.

 

---