Zvicra synon kthime më të shpejta azilkërkuesve të refuzuar

Marrëveshja parashikon një procedurë të përshpejtuar për identifikimin e azilkërkuesve të refuzuar

Zvicra dhe Maroku duan të bashkëpunojnë më ngushtë për migracionin dhe kthimet e migrantëve. Përfaqësuesit e të dy vendeve arritën një marrëveshje për këtë çështje në një takim në kryeqytetin maroken, Rabat, transmeton albinfo.ch.

Këshilli Federal ende duhet ta miratojë atë.

Marrëveshja parashikon një procedurë të përshpejtuar për identifikimin e azilkërkuesve të refuzuar, shkrun srf.ch. Sipas Sekretariatit Shtetëror për Migracionin, kjo aktualisht zgjat mesatarisht më shumë se 150 ditë.

Në të ardhmen, individët në fjalë duhet të jenë në gjendje të identifikohen dhe të kthehen brenda një maksimumi prej 30 ditësh.

Marrëveshja parashikon gjithashtu zgjerimin e bashkëpunimit ekonomik midis Zvicrës dhe Marokut.

---