KQZ nis sot verifikimin e votave me postë nga diaspora

Procesi fillon në ora 17:00 në Qendrën e Numërimit dhe Rezultateve, mediat ftohen të përcjellin zhvillimet nga afër

Komisioni Qendror i Zgjedhjeve ka njoftuar se sot, më 9 qershor, do të nisë procesi i vlerësimit të pakove me fletëvotime të ardhura nga votimi me postë i diasporës, transmeton albinfo.ch.

Sipas KQZ-së, procesi do të fillojë në orën 17:00 në Qendrën e Numërimit dhe Rezultateve (QNR), ku do të bëhet verifikimi i pakove me fletëvotime që janë tërhequr dhe sjellë tashmë në Kosovë.

Institucioni ka bërë të ditur se gjatë këtij aktiviteti do të ofrohen informacione edhe për ecurinë e punës në Qendrat Komunale të Numërimit dhe Rezultateve.

KQZ ka ftuar mediat që të përcjellin nga afër procesin e verifikimit, i cili është pjesë e fazës përfundimtare të administrimit të votave të diasporës. /Albinfo.ch

---