Xhaka jep alarmin pas barazimit me Katarin

Ai pranoi se skuadra nuk po shfaq nivelin që pritej para fillimit të turneut dhe kërkoi reagim të menjëhershëm nga bashkëlojtarët

Kapiteni i Zvicrës, Granit Xhaka, ka folur me tone kritike pas barazimit 1:1 ndaj Katarit në ndeshjen hapëse të Botërorit 2026.

Ai pranoi se skuadra nuk po shfaq nivelin që pritej para fillimit të turneut dhe kërkoi reagim të menjëhershëm nga bashkëlojtarët, shkruan Blick, transmeton albinfo.ch.

Xhaka theksoi se nuk mjaftojnë deklaratat dhe optimizmi para ndeshjeve, por nevojiten paraqitje konkrete në fushë. Sipas tij, Zvicra humbi shumë raste për të vulosur fitoren dhe më pas u ndëshkua në fund të takimit. Ai kritikoi mungesën e disiplinës taktike dhe faktin se disa lojtarë tentuan të zgjidhnin situatat individualisht në vend të lojës kolektive.

Edhe portieri Gregor Kobel u shpreh i zhgënjyer, duke vlerësuar se ekipit i mungoi intensiteti dhe agresiviteti i nevojshëm për një ndeshje të Kupës së Botës.

Megjithatë, kapiteni zviceran mbetet optimist se kombëtarja mund të rikthehet në garë, pasi Zvicra ende ka në program ndeshjet ndaj Kanadasë dhe Bosnje-Hercegovinës, të cilat do të jenë vendimtare për kualifikimin nga Grupi B.

 

---