Mbi 4 mijë raste dhune në familje në kantonin Vaud gjatë 2025

Foto ilustrim

Në kantonin Vaud është regjistruar rritje e rasteve të dhunës në familje gjatë vitit 2025, me gjithsej 4,120 raste, që përfaqësojnë një rritje prej 4.5% krahasuar me vitin e kaluar.

Sipas të dhënave të publikuara nga Zyra për Barazi ndërmjet Grave dhe Burrave Office for Equality between Women and Men (BEFH), policia ka ndërhyrë mesatarisht 3 deri në 5 herë në ditë në situata të dhunës në familje. Rreth gjysma e rasteve kanë ndodhur në shtëpi, ndërsa pothuajse gjysma e ndërhyrjeve kanë përfunduar me largimin e autorit të dyshuar.

Gjatë vitit janë regjistruar edhe dy raste vrasjesh në këtë kontekst, ku kanë humbur jetën një grua dhe një burrë. Në total, 1,415 persona janë konsideruar viktima, prej të cilëve shumica dërrmuese gra.

Po ashtu, është rritur edhe kërkesa për ndihmë. Në qendrat LAVI kanë kërkuar ndihmë 1,366 persona (+4%), ndërsa spitalet kanë kryer 280 ekzaminime mjeko-ligjore për raste të dhunës seksuale, një rritje prej 40% krahasuar me vitin 2024.

Autoritetet theksojnë se gratë mbeten viktimat kryesore, sidomos në rastet mes partnerëve ose ish-partnerëve, ku që nga viti 2021 janë regjistruar 11 vrasje.

Në kuadër të masave parandaluese, autoritetet kantonale kanë forcuar sistemin e mbështetjes dhe trajtimit të autorëve të dhunës, ndërsa është aktivizuar edhe linja kombëtare 142, e cila ofron ndihmë dhe këshillim 24 orë në ditë për viktimat e dhunës në familje.