KQZ shpall nesër rezultatet përfundimtare të zgjedhjeve

Pas shpalljes së rezultateve përfundimtare nga KQZ, pritet të nisin procedurat për certifikimin e tyre

Komisioni Qendror i Zgjedhjeve do të shpallë nesër, më 27 qershor, rezultatet përfundimtare të zgjedhjeve. Lajmin e ka bërë të ditur për RTKLive zëdhënësi i KQZ-së, Valmir Elezi.

“Ju njoftoj se të shtunën (27 qershor 2026, ora 11:00) Komisioni Qendror i Zgjedhjeve do të mbajë mbledhjen e radhës. Në rend dite është shpallja e rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 7 qershor”, tha Elezi.

Sipas rezultateve preliminare, Lëvizja Vetëvendosje ka dalë partia e parë me 53 ulëse në Kuvendin e Kosovës.

Partia Demokratike e Kosovës ka siguruar 22 mandate, Lidhja Demokratike e Kosovës 18, ndërsa Aleanca për Ardhmërinë e Kosovës do të përfaqësohet me 7 deputetë në legjislaturën e re.

Pas shpalljes së rezultateve përfundimtare nga KQZ, pritet të nisin procedurat për certifikimin e tyre dhe më pas edhe hapat institucionalë për formimin e qeverisë së re.

iu e Qëndrim Kryeziu, për rinumërimin e plotë të votave të kësaj partie. Kjo i ka hapur rrugë KQZ-së të shpallë rezultatet përfundimtare.

---