Rritet niveli i rrezikut nga zjarret në pyje në disa pjesë të Zvicrës

Foto Ilustrim Keystone EPA/BRAIS LORENZO

Të enjten, Zyra Federale për Mjedisin e ngriti rrezikun e zjarreve në pyje në pjesë të kantonit Valais në nivelin e paralajmërimit 4 nga 5. Ekziston gjithashtu një rrezik i lartë për zjarre në pyje në kantonet Aargau, Cyrih, Lucernë, Uri, Glarus dhe St Gallen.

Zyra Federale për Mjedisin (FOEN) e ka ngritur nivelin e rrezikut nga zjarri në kantonin Valais në nivelin 4 (rrezik i lartë) për rajonet Aletsch, Anniviers, Arpille, Bagnes dhe Evolène. Ky është niveli i dytë më i lartë në një shkallë nga 1 deri në 5.

Në këto kushte, shkrepëset e ndezura, prushat fluturues nga një skarë dhe goditjet e rrufeve kanë shumë të ngjarë të shkaktojnë zjarr.

Shpejtësia me të cilën përhapet zjarri është gjithashtu e lartë në pyje, përcjell albinfo.ch. U tha se luftimi i zjarreve të tilla në pyje është i vështirë dhe se shuarja e tyre kërkon jashtëzakonisht shumë punë.

Një rrezik shumë i lartë i zjarreve në pyje ka qenë në vend në Valais që nga 23 qershori në rajonet e Sion, Simplon, Fully, Riddes, Montana dhe Vispertal.