Ku është më mirë të jesh gjatë valëve të të nxehtit në Zvicër?

Rajonet malore dhe ato me lartësi më të madhe ofrojnë temperatura dukshëm më të ulëta, ndërsa qytetet e mëdha dhe ultësirat janë më të ekspozuara ndaj vapës ekstreme

Temperaturat e larta kanë përfshirë pjesën më të madhe të vendit, por ndikimi i valës së të nxehtit nuk është i njëjtë kudo. Sipas ekspertëve, zonat malore dhe rajonet me lartësi të mëdha mbeten vendet më të freskëta gjatë ditëve me vapë ekstreme, shkruan The Local, transmeton albinfo.ch.

Destinacione si Engadina, Davos, Arosa, Andermatt dhe rajone të tjera alpine përfitojnë nga temperaturat më të ulëta dhe netët më të freskëta, duke ofruar kushte më të rehatshme gjatë verës.

Në anën tjetër, qytetet e mëdha si Gjeneva, Bazeli, Lozana dhe disa zona të Ticinos janë ndër më të nxehtat. Dendësia e ndërtesave, mungesa e hapësirave të gjelbra dhe efekti i njohur si “ishulli urban i nxehtësisë” bëjnë që temperaturat në këto zona të mbeten të larta edhe gjatë natës.

Ekspertët rekomandojnë që gjatë valëve të të nxehtit qytetarët të kufizojnë aktivitetet në orët e mesditës, të konsumojnë mjaftueshëm lëngje dhe, nëse është e mundur, të kalojnë kohë në zona me lartësi më të madhe ose pranë liqeneve, ku temperaturat janë më të përballueshme.

---