Çmimet e shtëpive në Zvicër vazhdojnë të rriten

Sipas të dhënave më të fundit, vlera e pronave është rritur me 0.8% krahasuar me muajin maj

Çmimet e banesave dhe shtëpive në Zvicër kanë vazhduar rritjen edhe gjatë muajit qershor, duke konfirmuar se tregu i pasurive të paluajtshme mbetet i fortë pavarësisht sfidave ekonomike, transmeton albinfo.ch.

Sipas të dhënave më të fundit, vlera e pronave është rritur me 0.8% krahasuar me muajin maj. Në baza vjetore, çmimet janë 3.6% më të larta, ndërsa rritja është veçanërisht e theksuar te shtëpitë individuale, të cilat janë shtrenjtuar me 4.4% gjatë 12 muajve të fundit.

Ekspertët vlerësojnë se kërkesa e vazhdueshme për banim, oferta e kufizuar e pronave dhe stabiliteti i tregut zviceran vazhdojnë të ushtrojnë presion mbi çmimet.

Megjithëse normat e interesit dhe pasiguria ekonomike mbeten faktorë që ndikojnë në tregun e pasurive të paluajtshme, pronat në Zvicër vazhdojnë të konsiderohen një investim i sigurt, duke mbështetur trendin e rritjes së çmimeve.

---