Tri shtetet ballkanike, Shqipëria, Kosova dhe Mali i Zi janë vlerësuar si “vende të sigurta të origjinës” nga autoritetet gjermane, që nënkupton se shtetasit e këtyre vendeve më nuk kanë asnjë shansë për marrjen e statutit të refugjatit në Gjermani. Vendimin e ka marrë kancelarja Angela Merkel dhe guvernatorët e 16 landeve gjermane .
Autoritetet janë pajtuar për masat, që kanë për qëllim kufizimin e fluksit të imigrantëve, dhe zvogëlimi i pagesave me para të gatshme për ta, raporton AP.
Kancelarja Merkel tha mbrëmë se Shqipëria, Kosova dhe Mali i Zi, do të shpallen vende të sigurta, në kuadër të përpjekjeve për uljen e fluksit të njerëzve nga këto vende, që tashmë kanë arritur.
Rrjedhimisht, sipas REL, azilkërkuesit nga këto vende mund të dëbohen dhe të kthehen në shtetet e tyre.
Qeveria federale e Gjermanisë ka premtuar ta bartë barrën më të madhe të fluksit të migrantëve, duke i ndihmuar autoritetet shtetërore dhe komunale. Shumica e atyre që po ikin nga zonat e luftës në Sirti dhe shtetet tjera të Lindjes së Mesme, e kanë pikësynim Gjermaninë.
