ETH Zurich, universiteti që ka formësuar shkencën dhe inovacionin në Zvicër

ETH Zurich mbetet një shembull i investimit afatgjatë të Zvicrës në dije, inovacion dhe zhvillim teknologjik.

I themeluar në vitin 1855, institucioni prestigjioz ka mbi 26 mijë studentë nga rreth 130 vende dhe vazhdon të jetë një nga qendrat kryesore të kërkimit dhe teknologjisë në botë, transmeton albinfo.ch.

ETH Zurich, një nga universitetet më prestigjioze në botë në fushën e shkencës dhe teknologjisë, u themelua në vitin 1855 me misionin për të përgatitur inxhinierët, arkitektët dhe shkencëtarët që do të kontribuonin në ndërtimin e Zvicrës moderne.

Sot, universiteti numëron rreth 26.900 studentë nga afërsisht 130 vende të botës, përfshirë më shumë se 4.000 doktorantë. Në historinë e tij lidhen emra të shquar të shkencës, ndër ta edhe fizikani i njohur Albert Einstein.

Përveç arsimit dhe kërkimit shkencor, ETH Zurich luan një rol kyç në ekosistemin zviceran të inovacionit. Vetëm gjatë vitit 2024, nga ky institucion u krijuan 37 kompani të reja (spin-off), duke dëshmuar se kërkimi shkencor mund të shndërrohet në zgjidhje konkrete për industrinë dhe shoqërinë.

ETH Zurich mbetet një shembull i investimit afatgjatë të Zvicrës në dije, inovacion dhe zhvillim teknologjik./Albinfo.ch. 

---