Rriten ndjeshëm konfliktet mes punëdhënësve dhe punëmarrësve në Zvicër

Studimi tregon shtim të rasteve të ngacmimit në vendin e punës, largimeve të padrejta dhe referencave negative për punonjësit.

Konfliktet në vendin e punës janë rritur ndjeshëm në Zvicër gjatë vitit 2025, sipas një studimi të ri të publikuar nga kompania e sigurimeve juridike AXA-ARAG, transmeton albinfo.ch.

Të dhënat tregojnë se rastet e ngacmimit në vendin e punës janë rritur me 36 për qind, ndërsa largimet e padrejta nga puna janë shtuar me 26 për qind, transmeton albinfo.ch.

Po ashtu, 14 për qind më shumë punonjës kanë raportuar se kanë marrë vlerësime negative ose të pasakta në letrat e referencës nga punëdhënësit e tyre.

Sipas legjislacionit zviceran të punës, këto dokumente duhet të hartohen në mënyrë të drejtë, objektive dhe të balancuar, pasi ato kanë ndikim të rëndësishëm në mundësitë e punësimit të një personi në të ardhmen.

Gjetjet e studimit tregojnë një përkeqësim të marrëdhënieve në vendet e punës dhe një rritje të mosmarrëveshjeve mes punëdhënësve dhe punëmarrësve gjatë vitit 2025./Albinfo.ch

---