Goditet një rrjet i trafikimit të armëve që vepronte mes Francës dhe Zvicrës

Aksion i madh kundër kontrabandës së armëve, arrestime edhe në Zvicër

Autoritetet franceze kanë shkatërruar një rrjet të dyshuar të kontrabandës së armëve, i cili kishte lidhje edhe me Zvicrën, përcjell albinfo.ch.

Sipas hetuesve francezë, gjatë një operacioni të zhvilluar më 23 qershor u arrestuan 12 persona, prej të cilëve 10 në Francë dhe dy në Zvicër, transmeton albinfo.ch.

Mediat franceze raportojnë se në mesin e të akuzuarve ndodhet edhe një zyrtar policor. Në total, në Francë janë ngritur aktakuza ndaj nëntë personave.

Gjatë bastisjeve, autoritetet sekuestruan 23 armë zjarri, granata, eksploziv dhe mbi 100 mijë euro para të gatshme, të cilat dyshohet se lidhen me aktivitetin e paligjshëm të rrjetit.

Hetimet për rastin po vazhdojnë për të zbuluar shtrirjen e plotë të rrjetit dhe lidhjet e tij ndërkufitare. /Albinfo.ch

---