Albulena Haxhiu ngushëllon familjet e viktimave nga Vushtrria

U.D. e Presidentes së Republikës së Kosovës, Albulena Haxhiu, ka reaguar pas aksidentit tragjik pranë Bllacës, ku humbën jetën tre qytetarë nga Vushtrria – Ejup Tërnava, Cennet Tërnava dhe Fatmire Shabani

U.D. e Presidentes së Republikës së Kosovës, Albulena Haxhiu, ka reaguar pas aksidentit tragjik pranë Bllacës, ku humbën jetën tre qytetarë nga Vushtrria – Ejup Tërnava, Cennet Tërnava dhe Fatmire Shabani.

Përmes një postimi në rrjetet sociale, Haxhiu e cilësoi ngjarjen si një humbje të rëndë, duke theksuar se viktimat ishin vetëm pak kilometra larg Kosovës, në rrugën e kthimit drejt shtëpisë.

“Më pikëlloi thellë lajmi për humbjen tragjike të jetës së tre qytetarëve tanë nga Vushtrria. Udhëtimi i tyre drejt shtëpisë u ndërpre vetëm pak kilometra larg Kosovës, duke lënë pas dhimbje të madhe për familjet dhe të gjithë ata që i njohën”, ka shkruar Haxhiu.

Ajo u ka shprehur ngushëllimet më të sinqerta familjeve Tërnava dhe Shabani, si dhe të gjithë të afërmve e miqve të viktimave, duke theksuar se institucionet dhe qytetarët ndajnë dhimbjen me ta në këto momente të vështira.

“Në këto çaste të rënda, u shpreh ngushëllimet më të sinqerta familjeve Tërnava dhe Shabani, të afërmve dhe miqve të tyre. Jemi pranë jush dhe ndajmë dhimbjen tuaj. U prehshin në paqe!”, përfundon reagimi i saj.

---