Ulje çmimesh te prodhuesi i çokolatës Lindt & Sprüngli

Reagimeve për rritje çmimesh nga viti i kaluar, kompania tani po u përgjigjet me ulje çmimesh dhe paketime më të vogla

Rritjet e çmimeve te kompania zvicerane Lindt & Sprüngli që ishin shënuar vitin e kaluar kanë çuar në një rënie të theksuar blerjeve të çokollatës. Veçanërisht në Evropë, njerëzit blenë më pak në gjysmën e parë të vitit për shkak të çmimeve më të larta, transmeton albinfo.ch. Këtu përfshihen uljet e blerjeve në Zvicër, Gjermani dhe Britaninë e Madhe.

Lindt & Sprüngli thotë se është befasuar nga kjo rënie e ndjeshme e shitjes, shkruan srf.ch. Kompania tani po përgjigjet me ulje çmimesh dhe paketim më të vogël.

Edhepse Lindt & Sprüngli fitoi më shumë në gjashtë muajt e parë të këtij viti, shitjet shënuan rënie. Të ardhurat u rritën me 4.3 për qind në 2.3 miliardë franga zvicerane, por vëllimi i shitjeve ra me 7.5 për qind.

Në vitet e fundit, Lindt në përgjithësi ka qenë në gjendje të zbatojë rritje të çmimeve pa humbje të konsiderueshme në shitje, përcjell albinfo.ch. Reagimi dukshëm më i kujdesshëm nga konsumatorët në disa tregje kryesore evropiane këtë herë ishte edhe më i habitshëm.

Në përgjigje, Lindt njoftoi rregullime të synuara të çmimeve në tregjet ku rënia kishte qenë veçanërisht e theksuar. Këto rregullime do të kufizohen në produktet individuale ku kërkesa reagoi veçanërisht fuqishëm ndaj çmimeve më të larta.

---